Hreint land fagurt land.

 

Jæja þá er maður aftur kominn að tölvunni, búinn að vera á þeytingi að undanförnu.

Þá er nú komið að því að Hafnfirðingar kjósi um álverið, eins og fyrirsögnin kannski segir finnst mér ekki veraum mikið að velja, eða hverjum mundi detta í hug að koma fyrir ruslahaug í bakgarðinum hjá sér?   Vonandi ekki Hafnfirðingum í það minnsta, ef við lítum yfir Jörðina þá er það kannski þannig að verksmiðjur sem voru reistar fyrir 100 árum síðan eru núna komnar inní íbúðarbyggð, en það dettur bara engum í hug að leifa nýbygginu á stóriðju inní miðju byggingarlandi íbúða í dag, mér finnst það líka einkennilegt á að hlusta í auglýsingarherferð Alcan, að það hugsi enginn um loftlagið, eða loftmengun þegar um sé að ræða fjárhagslegan ávinning, ja hérna eigum við þá bara að fara með súrefnisgrímur út að eiða fjármununum sem við öfluðum í álverinu, ja spyr sá sem ekki veit, annað er sem mér finnst um íbúalíðræði, sem ég annars er mjög fylgjandi, en Það er að tryggja þarf jafnræði milli þeirra sem kinna hvora hlið málsins, að þessu sinni er það svo að Alcan hefur varið milljónum ef ekki milljónatugum í að „kinna" ég segi í áróður fyrir stærra álveri, keypt allskonar álit hér og þar sem síðan Sól í straumi hefur ekki haft neitt fjármagn til að láta skoða og fá andsvör við, svo ég tali nú ekki um að það hefur verið fólk á launum hjá Alcan til að hringja út, keyrður upp gagnagrunnur í því sambandi „sem ég reyndar get ekki skilið að sé löglegt, því um leið fær fyrirtækið skrásetta upplýsingar um afstöðu fólks", jæja hvað um það, þá hlýtur að þurfa að setja skorður við hversu miklir fjármunir eru lagðir í svona kosningabaráttu til að tryggja jafnræðisreglu stjórnarskrárnar, því að svona stórfyrirtæki getur kaffært hvern sem er jafnvel þótt um væri að ræða ríkið sjálft, enda á að vera til rammi um svona hluti.

Hafnfirðingar hreinn bær betri bær, kjósið gegn gasgrímum sem framtíðar heimilis búnaði í Hafnafirði.     

Hver er hvað?

 

Ja er nema von að maður spyrji.

Nú er að því komið sem venjulega gerist á fjögurra ára fresti, að yfir oss gengur orðaflaumur stjórnmálamanna og ýmiskonar loforðalistar, mun þetta standa fram yfir kosningar með litlum hléum og ná hámarki í vikunni fyrir umræddar kosningar.

  Ekki veit ég hvort það getur talist rökrétt, en mér finnst stundum að það væri bara best að hafa einn ríkisflokk eins og Martein Mosdal talaði fyrir hérna um árið, vegna þess að stjórnmálamenn geta tínt sér gjörsamlega í loforðaflaumnum og síðan eftir kosningar muna þeir ekkert af þessum loforðum og gera ekkert til þess að uppfylla þau, þannig að þegar upp er staðið hafa allir keypt köttinn í sekknum, kannski væri nú samt best að gera bara byltingu og kenna stjórnmálamönnum almennt siðgæði og að standa við það sem þeir segja, ja það mundu þá kannski verða minni ræður en málefnalegri.

Er að velta þessu upp vegna þess að það er sama hvað er að gerast þessa daganna alstað eru ráðherrar og þingmenn og segja álit sitt á einhverju sem þeir hafa ekkert vit á, í gær var verið að kynna könnum eða rannsókn á fiskneyslu landsmanna og þar var mættur sjáaútvegsráðherra og sagði eina setningu, sé ekki hvað þetta kemur honum við manneldisráð heyrir ekki undir hann.

Jæja kominn tími til!

 

Þá er maður kominn aftur að skjánum, er búinn að vera á ferðin í rúma viku, reyndar sofið heima en ekki haft tíma til að tjá mig um annað en nauðsinlegustu hluti við þá staðið hafa mér næst hverju sinni, aumingja þeir .

Það er margt sem hefur verið á ferðinni í vikunni sem liðin er, eins og allt fárið yfir Smáralindarbæklingnum, ja sér er nú hvað ég held nú bara að það þurfi að gera könnun á því hvernig þeir hugsa sem sjá klámið í þessu, mér alla veganna dettur Lína Langsokkur miklu frekar í hug en klám, en kannski hef ég bara ekki nógu mikla þekkingu á hvað helstu stellingar í klámmyndum ja ég veit það ekki.

Nú svo eru það auðlindar málin, mér finnst nú kannski skrítnast við það allt að það skuli þurfa að hafa eitthvað sérákvæði um að þjóðin eigi auðlindirnar, eða hver hefur eignarrétt nú þegar til að selja einhverjum þær, eða getur maður selt það sem maður á ekki?  Ja ég bara spyr, mín skoðun er sú að það eigi ekki að vera neinn fastur kvóti heldur eigi hann að vera úthlutaður eitt ár í senn, en það eigi aftur á móti að setja það í lög að veiði menn kvótann sinn fái þeir honum endurúthlutað, en veiði þeir hann ekki og geti ekki gefið á því eðlilega skíringu á sé þeim kvóta endurúthlutað til annarra, það hlýtur að vera óeðlilegt að ég geti fengið kvóta úthlutað þannig að þegar ég ákveð að hætta að sækja sjó geti ég annað hvort leigt kvótann sem ég hafði til afnota eða jafnvel selt hann, þetta er rotið kerfi eins og það er, eða hvað fyndist þessum sægreifum ef að ég gæti bara bannað þeim að byggja sér nýtt hús vegna þess að þeir hefðu ekki lóðarkvóta.    

Lýtaaðgerð Framsóknar!

 

Jæja þá er Framsókn farin í sína reglubundnu lýtaaðgerð sem gerist jú á fjögurra ára fresti.

Að þessu sinni er þetta frekar stór aðgerð, byrjar bara á hótun um stjórnarslit og það eiginlega þannig að það engin leið til baka, ja ekki þá nema að bora ein jarðgöng til baka, en annað eins hefur nú svosem verið gert í nafni kjósenda.

Ég veit það ekki, en er það virkilega svo að kjósendur falli fyrir þessu í hvert skipti orða laust?

Ja spyr sá sem ekki veit, síðan er það annað mál, annað hvort verður að fara að finna annan lit fyrir þá sem fara í nafni náttúruverndar, eða að mála Framsókn uppá nýtt.

Þetta segi ég vegna þess að þeir sem eru náttúruverndarsinnar hafa með réttu (finnst mér) kennt sig við grænalitinn, en svo kemur Framsókn með sína stóriðjustefnu og segist vera vel grænn flokkur og er þá í rauninni að tala um þann lit sem þeir hafa í sínu merki, en að mínu mati viljandi að villa á sér í umræðunni um náttúruvernd, því það er ekkert í því sem Framsókn setur fram sem getur talist náttúruverndarstefna, mér finnst fjaðrir þær sem Framsókn er að setja upp til að bæta útlitið fyrir kosningarnar í besta falli ornar gamlar og slitnar og sumar eru greinilegar teknar ófrjálsri hendi.

Er ekki komið mál til að gefa Framsókn frí og leifa þeim að finna sjálfan sig á ný í rólegri sjálfskoðun utan stjórnar næstu fjögur árin.

X Factor!

 

Jæja þá er nú komið kvöld og maður horfir á dómarana í X Factor rífast eins og venjulega, æ ég veit það ekki það er gaman að horfa og hlusta þetta frábæra fólk sem er að keppa þarna, en að sama skapi finnst mér þau sem heita dómarar ekki eins skemmtileg veit ekki hverju það er að kenna.

Annars held ég að X Factorinn í mér sé eitthvað í lægri kantinum í kvöld, stundum verður maður bara voða gamall (sem ég er annars ekki sko) og langar að sofa í heila öld, kannski leið Prinssessunni svona þegar hún sofnaði forðum og bara svaf í eina öld.

Vona að þeir sem ætla að ganga um þessar frægu gleðidyr í kvöld geri það með varúð, en góða skemmtun samt.

Skattalækkanir og fleira.

 

Nú er að ganga í gegn mestu skattalækkanir á sögulegum tíma, ja það segja stjórnarliðar í það minnst og svo benti Pétur Blöndal á það áðan í Ísland í Bítið á Stöð 2 að fólk gæti lifað ódýrara en það gerð því að til dæmis væri vatn ókeypis, já vatnið er ókeypis, það er að segja ef þú hefur aðgang að krana sem það rennur úr.

Jæja nóg um það, stundum finnst mér þessi pólitík bæði vitlaus og leiðinleg, því það er eins og stjórnmálamenn tali við okkur kjósendur eins við séum fimm ára kannski sex, mér finnst að það æti að kenna þeim að koma fram með virðingu við aðra í stað þess að þeir tali alltaf niður til fólks.

En eins og sumir mundu segja, það er ljúft að láta  sig dreyma, annars verður fróðlegt að sjá hversu mikil lækkunin verður og ekki síður þegar farið verður að útskýra af hverju hún var ekki meiri en raunber vitni um og hversu hugmyndaríkir menn verða þá að finna ástæður, ætli þetta verði ekki bara allt okkur að kenna, hinum almenna neitanda hugsa það.

Hver stjórnar?

 

Stundum þegar maður hlustar á það sem fram fer á Alþingi veit maður ekki alveg hvernig stjórnskipan landsins er .

Ég tók alla veganna eftir því í hádegisfréttum í dag, þegar verið var að ræða um fjárloforð ráðherra og stjórnarinnar nú fyrir kosningarnar, að það væri nú eins mikið stjórnarandstöðunni að kenna og stjórninni því að hún (andstaðan) væri að biðja um þetta .

Nú geri ég ráð fyrir því að í sumum tilfellum sé það rétt, en mér hefur nú fundist hingað til að stjórnin hafi ekki á í neinum vandkvæðum með að hafna tillögum stjórnarandstöðunnar og standa vörð um ríkissjóð .

Mér finnst þetta nú kannski bera keim af því að kosningar eru á næstu grösum (ja nema að stjórnskipan landsins hafi verið breytt) og það eigi að hafa vara undankomuleið svo að ekki sé hægt að kenna þeim um Framsókn og Íhaldinu, veit það ekki en mér finnst stundum eins og ég hef áður sagt að við verðum að gera þá lágmarks kröfu til stjórnmálamanna að þeir geti verið sjálfum sér samkvæmir og tekið ábirgð á eigin orðum, en séu ekki alltaf að reyna að koma því sem þeir vita ekki hvernig mælist fyrir yfir á aðra á meðan það er prufukeyrt og hirði það svo aftur ef það skilar gróða en hendi því svo endanlega ef það mælist ekki vel fyrir.

Ég hef orð á þessu vegna þess að ég vill kalla eftir ábirgð stjórnmálamanna á orðum sínum og gerðum, það hlýtur að vera lámarks krafa sú tegund af mönnum sem kallast stjórnmálamenn beri sömu ábirgð á gerðum sínum og við afgangurinn af þjóðinni ekki satt.

Þegar upp er staðið af landsfundi.

Þá eru Vinstri Grænir staðnir upp af landsfundi sínum og kenndi ýmsa grasa þar eins og við var að búast.

Flest af því sem þar kom fram get ég svo sem tekið undir í einhverri mynd, en mundi kannski hafa þar öðruvísi áherslur á sumu.

Því að það má öllum vera ljóst að það löngu tímabært að leggja áherslur á umhverfisvernd og það að fólk taki ábyrgð á umhverfi sínu og því hvernig það (fólkið) kemur fram gagnvart náttúrunni, þá er ennþá ljósara að stjórnvöld virðast fljóta sofandi að feigðarósi hvað umhverfismál varðar.

Eða getur það talist eðlileg umhverfisstefna að ALLT sé falt fyrir stundargróða á meðan landinu blæðir út, ég hélt í fáfræði minni að þeir sem veljast til forustu í landsstjórninni ættu að hafa þann þroska til að bera að þeir hugsuðu lengra fram í tíman en til næsta dags, en mér virðist að svo sé ekki, því að stjórnvöld sem hugsa um það eitt að reisa virkjanir og stóriðju á sem flestum stöðum og þéttast um landið þau stjórnvöld eru ekki að hugsa um hvað verður hér á landi eftir 50 ár.

Því að það þarf engan spádómsmann til að sjá að sú sýn er ekki fögur ef fram heldur sem horfir.

En aftur að landsfundinum hjá VG, þar er líka lögð áhersla á félagslega þáttinn í samfélæginu og er það vel, því að ekki veitir af að breyta þeirri stefnu sem núverandi stjórn hefur keyrt út yfir öll velsæmismörk og felst í því að gera þetta þjóðfélag en líkt Bandarísku þjóðfélægi og kostur er, þar sem þeir ríku verða ríkari og þeir fátækari fátækari.

Þess vegna hélt ég að það lægi ljóst fyrir að loknum landsfundi VG að þeir ætluðu að fella þessa stjórn, en ekki bara kannski ef að þeim þykir stjórnarandstaðan hafa möguleika á að mynda nægilega sterka stjórn að þeirra mati, „sem sagt ef við fáum það sem við viljum“ finnst mér Steingrímur J vera að segja, annars myndum við bara stjórn með Sjálfstæðisflokkum, eða eins og ég sé það vera VG þá annað tilbrigði við stjórn Sjálfstæðismanna í stað Framsóknar, nýr grautur í sömu skál!

Fjölskyldan stækkar

Það er búið að vera mikið um að vera hjá mér seinustu daga enda var að fjölga í fjölskyldunni um einn.

Það er semsagt fæddur lítill prins sem var aðeins 8 merkur og 45 sm, en það er nú ekkert svo lítið er það?

Hann kom aðeins á undan því sem ætlað var en er hraustur eins og afinn, en hann og mamman hafa átt tíma minn og því ekkert heyrst frá mér í gær eða dag.

Það er annars af nógu að taka finnst mér, eins og KLÁMRAÐSTEFNA sem mér finnst eins og sjálfsagt flestum ekkert til að hrópa húrra fyrir, EN það verður samt að gilda ein lög í landinu og á meðan fólk er ekki á skrá sem afbrota menn er ekki hægt að segja því að koma ekki.

Í þessu sambandi finnst mér fólk fara offörum í því að dæma, tökum til dæmis umræðuna um útlendingahatur sem verið hefur bæði í fjölmiðlum og á Alþingi, þar ætlar fólk að ganga af göflunum af því að Frjálslindir hafa sett það fram að það eigi að skoða hvort þeir sem hér vilja setjast að hafi brotið lög í sínu heima landi, en síðan getum við ætlast til þess að fólki sem ekki er á sakaskrá sé meinað að koma hingað, ha kommon, reynum nú að vera örlítið samkvæm sjálfum okkur í málflutningi okkar.

Læt þetta duga í kvöld en læt í mér heyra um helgina.

Rannsóknarblaðamennsk.

Jæja þá leggur maður á stað hér, við verðum síðan að sjá hverju það skilar þegar upp er staðið.

Það er þannig, að í upphafi skildi endirinn skoða, mikið finnst mér skorta á það svona almennt séð í öllu því sem yfir gengur í deiglunni í dag.

Mér finnst það í sjálfu sér gott mál að vera með gagnrýnna fjölmiðla og oft gera þeir gott í að hjálpa fólki að vekja athygli á hlutum sem almenningur fær ekki komið á framfæri, en það er líka alveg ljóst að það vald sem liggur í hendi fjölmiðla er mikið og því verður að beita með aðgát.

Því segi ég þetta núna, að undarfarnar vikur hefur þessi tegund af fjölmiðlun verið meira áberandi í sjónvarpi en kannski oftast áður.

Það eru fyrst og fremst tveir þættir í sjónvarpi sem hafa verið að fletta upp málum sem eru umdeild, en það er Kompás stöðvar 2 og Kastljós ríkissjónvarpsins.

Nú er það svo e byrjum á Kompás að margt hefur verið gert þar sem er gott og mög erfið mál verið tekin þar og gerð góð skil, en svona almennt séð finnst mér ekki vera nóg að leggja til atlögu og rífa það niður sem fjallað er um hverju sinni, heldur verður að fylla uppí með einhverju betra í staðinn, síðan finnst mér að það eigi að setja skorður við því að það sé hægt að taka fólk af „lífi“ í beinni útsendingu.

Við getum öll haft mismunandi skoðanir á mönnum og málefnum, en það á EINGINN skilið þá meðferð sem Guðmundur í byrginu fékk, það snýst ekkert um álit mitt á honum eða því máli öllu, heldur hitt að hver skal saklaus vera þar til sekt hans er sönnuð og svo hitt að hann eða hver annar sem er eiga aðstandendur, fólk sem í flestum tilfellum hefur ekkert af sér gert, síðan á fólk börn sem geta ekki ákveðið hvar þau standa og það verður að teljast full sanna að þau eiga ekki skilið að lenda í því að horfa uppá foreldra sína í sjónvarps umfjöllun á þann hátt sem um ræðir í þessu sérstaka tilfelli.

Við verðum að gera okkur ljóst að hafa skal aðgát í nærveru sálar, það er algilt hvort sem við teljum hana seka eða saklausa.

Hvað Kastljósið varðar þá verður það að teljast gott og þarft að opna á það sem virðist hafa farið fram á upptökuheimilum út um allt land, en eins og aðrir í þessari rannsóknarblaðamennsku virðist enginn vita hvenær er komið nóg og mál að láta kurt liggja og leifa því fólki sem virkilega á um sárt að binda að fá hjálp hjá þeim sem eru færir um að veita hana.

Jæja þá er svona kannski búið að taka tappann úr hvað varðar fortíðina og hægt að halda sig í núinu hvað umræðuna varðar, en meira um það síðar.