Föstudagur.

Þá er föstudagurinn að kveldi kominn og aðeins einn heil dagur eftir hér í Noregi, við eigum flug kl 10:30 að staðartíma og lendum 11:20 að staðartíma , en nóg um það að sinni.

Byrjuðum rólega í dag eins og aðra daga, síðan var komið að tiltektum og þrifum, síðan var farið að sækja Adda en hann kom á svæðið seinnipartinn í dag frá Danmörku með ferju frá Fredigshafen, síðan var grillað og sá undirritaður um að passa grillið, núna sitja allir og spjalla í rólegheitum.

Læt þetta duga að sinni, ætla að reyna að setja inn myndir líka núna.

Fimmtudagur.

Allir snemma á fótum í dag, það á að fara að versla! Við fórum af stað um 11 fórum fyrst að skoða föt á börnin það er að segja barnabarnabörn, síðan var haldið í molið og farið að leita að fötum og fleiru sem fólki vanhagaði um eða þannig.

Þegar heim var komið var slakað og undirbúið fyrir júróvíjun kvöldið og að sjálfsögðu farið yfir það sem var keypt, það eru allir hressir hér og njóta ferðarinnar og ekki laust við sumir vilji bara ekkert fara heim .

Veit ekki hvernig mér gengur að koma þessu inná netið, tengingin er að stríða mér, en við sjáum til.

Miðvikudagur.

Rólegur dagur hér heima, við vorum bara að dunda okkur, tengdamamma fékk hárlagningu, en tengdadóttir Herdísar er að ljúka námi sem hársnyrtidama og tók hana og þvoði hárið setti rúllur í það og greiddi henni síðan.

Annars hefur þetta verið rólegasti dagurinn síðan við komum hingað, en á morgun er áætlað að fara í verslunarleiðangur, en Herdís tók sér frí í tvo daga til að geta snúist aðeins með okkur og svoleiðis.

Set bara inn myndir á morgun það er ekkert svo sem að mynda hér heima lengur, er ekki vinsæll ef ég tek myndir á hverjum degi af þeim mæðgum að hvíla sig hahaha.

Þriðjudagur.

 

Jæja búinn að vera góður morgun með sól og hita, en að verða tólf var orðið skýjað og farið að sudda, annars var farið á fætur svona frá 8-9 í morgun og síðan fórum við að skoða þær fáu búðir sem eru hér í kring, ég keypti mér sólgleraugu og fékk smá tíma til að prufa þau, fórum einnig og keyptum kaffibrauð og mjólk, síðan var haldið heim og fengið sér kaffi og sætabrauð, ja þeir sem það máttu

Síðan hefur skipst á skin og skúrir, dagurinn er búinn að vera góður við fáum veislu á hverju kvöldi og er ekkert viss um að allir megi við því , Rannveig og Herdís fóru í kvöld að hitta einhverjar konur (Íslenskar) og komu með brúnköku heim handa tengdamömmu og okkur Jóa líka.

Læt þetta duga að sinni, það eru engar myndir í dag en vonandi verða þær á morgun.

Mánudagur.

 

Fallegur morgun hér í Noregi sól og heitt, ja það var það og allir komnir út á pall með handavinnu og fínt, en vitið menn eins og hendi væri veifað kom haglél og maður spyr sig, bíddu erum við ekki í útlöndum, eða erum við bara á Íslandi ha? .

Tengdamamma er að segja okkur að heima séu karlarnir á eftir henni svo kemur hún til Noregs og þá hefur hún engan frið fyrir köttunum , henni finnst þetta bara ekki eðlilegt að geta ekki fengið frið hvar sem hún er haha.

Seinnipartinn í dag er búið að skiptast á sól og haglél maður er ekki alveg viss hvort  maður er norður í landi eða í Noregi  eða þannig, að öðru leiti er dagurinn búinn að ver fínn og allir búnir að hafa það gott.

Síðan eru nokkrar myndir.

Sólin komin.

 

Jæja þá er sólin komin, þó að það sé bara með köflum .

Búinn að vera fín dagur hér í Norge, það fóru allir seint á fætur eða á bilinu hálf níu til tíu og fengum þá morgunverðarhlaðborð að hætti Herdísar með beconi og öllu, síðan var farið af stað og endað í risastórri blómabúð þar sem við skoðuðum okkur um, fengum okkur kaffi, en sumir fengu sér ís, Herdís keypti sér GERFI blóm í blómabúðinni og héldum að því búnu heim til að hvíla okkur aðeins betur hahaha.

Tengdamamma er bara hress og hefur gaman af ferðinni, var reyndar örlítið dösuð í gær og dormaði, en hvíldist vel í gær og nótt og er búin að hress í dag og hefur notið lífsins.

Annars er ekki mikið að segja, en hér koma líka nokkrar myndir, síðan kemur bara meira seinna.

Nokkrar myndir.

 

Hér eru nokkrar myndir af ferðinni út og þjóðhátíðardeginum.

Noregur.

 

Jæja þá er það Noregsferð, lögðum af stað kl 07:30 frá Akranesi í gærmorgun og komum við á Hrafnistu í Hafnarfirði og náðum í tengdamóðir mína sem er níræð (en tilgangur ferðarinnar er að leifa henni að heimsækja sitt fólk í Osló), síðan var haldið í Keflavík í flug, á leiðinni kom í ljós að lyfin höfðu gleymst á Hrafnistu óóóó hvað nú? Jú það var hringt í Ágústu og hún beðin að ná í lyfin og koma með þau í strax og flýta sér, en á löglegum hraða haha.

 Ferðin gekk vel og við lentum í Osló kl 17:00 að staðartíma og þar tóku Herdís og Jói á móti okkur, en við erum hjá þeim, þegar þangað var komið og búið að borða var komið að því að slaka á og hvíla sig.

Vorum snemma á fótum í morgun enda 17 Maí þjóðhátíðardagur normanna, kl 10:00 var farið út að skoða skrúðgönur og fá sér þjóðhátíðarkaffi , síðan var farið heim og slakað á að nýju, Herdís bjó til tertu og köku og þá fengum við heima þjóðhátíðarkaffi.

Það er allt í fánum og voða fínt hér þótt það sé búið að vera rigning.

Meira síðar.

Endurkoman.

 

Sæl á ný, er ekki vinsælt að tala um endurkomur í öllu, svo að ég segi bara að þetta sé endurkoma mín , hef verið upptekinn af sjálfum mér  að undanförnu og ekki verið í stuði til að tjá mig hér.

En mér sýnist ekki hægt að láta kyrrt liggja lengur, ég er alltaf að sjá það betur og betur hversu það var rétt hjá mér að missa áhuga á pólitíkinni hérna um árið, því að nú er svo komið að það liggur við að maður ákveði að hætta að kjósa, en það er bara svo ansaætt eðli mínu að ég get það ekki.

Það er samt sama hvern maður kís því það gerir enginn það sem hann lofar og pólitíkusarnir koma fram við okkur eins og við vitum ekki hvað snýr aftur að fram á manni sjálfum, er eitthvert við í því hvernig ráðherrar og aðrir svara fólki, þeir semja ekki við bílstjóra á meðan þeir eru að mótmæla og standa fyrir ólöglegum aðgerðum, en þeir semja heldur ekki við þá þegar þeir hætta, niðurstaða það er bara sagt það sem þarf til að fá frið til að kynda kjötkatlana sína

Bettsome.com.

Það hefur farið lítið fyrir mér hérna inni að undanförnu, kannski vegna þess að það hefur ekki verið margt sem mig hefur langað að tjá mig um, en nú hefur auglýsinga herferð vefsíður sem heitir bettsome.com vakið athygli mína og þá ekki vegna þess að hún veki ánægju viðbrögð.

Mér finnst til að byrja með að þar sem fjárhættuspil er bannað hér með lögum með ólíkindum að það skuli vera leyfilegt að keyra yfir mann daginn inn og út auglýsingar í útvarpi um fjárhættuspil á netinu eins og þetta sé bara hver önnur vinna.

Á sama tíma er það vitað að tölur um þá sem missa allt sitt í spilafíkn fara stöðugt hækkandi, mér finnst að það eigi að ríkja frelsi fyrir fólk til að gera það sem því listir, en það er kannski óþarfi ýta undir veikleika fólks á þennan hátt og síðan sem mér finnst kannski verst er að með útvarpsauglýsingum sem hljóma allan daginn eru börnin formötuð um eitthvað sem þau vita ekkert hvað er eða hafa þroska til að leggja mat á.

Það getur vel verið að svona fyrirtæki eigi að hafa leifi til að freista fólks og leggja líf margra í rúst, en að þau eigi að hafa leifi til að formata og leggja líf komandi kynslóða í rúst get ég bara ekki skrifað uppá.

Þess vegna skora ég á útvarpsstöðvar að reyna að stíra þessum auglýsingum frá þeim tíma sem unglingar og börn er stór hluti hlustanda.